॥ स्थिर सुखमासनम् ॥
ज्या अवस्थेमध्ये बसल्याने शरीराला स्थिरत्व प्राप्त होऊन मनाला सुखाची अनुभूती होते, त्या अवस्थेला आसन असे म्हणतात.
आसने करायचे नियमे -
१. पहाटे लवकर उठुन प्रातःविधी आटोपून आसने करावी.
२. आसने प्रसन्न, मोकळ्या हवेत, नैसर्गिक वातावरणात करावी (प्रदुषण मुक्त हवेत).
३. आसने करतांना स्वच्छ व समतल जागी बसावे.
४. आसने करतांना पूर्व किंवा उत्तर दिशेला तोंड करून बसावे.
५. सुती व सैल कपडे परिधान करावे.
६. आसने करतांना बोलणे व हसणे टाळावे.
७. स्रीयांनी पाळीच्यावेळी, गर्भावस्थेत (५व्या महिन्यानंतर) , बाळंतपणानंतर (४थ्या महिन्यापर्यंत) आसने करू नये.
८. आसने करतांना श्वासोच्छवास नैसर्गिकपणे होऊ द्यावा.
९. रिकाम्या पोटी आसने करावी.
१०. आसने झाल्यावर थंड पाण्याने स्नान करावेे.
११. आसने झाल्यावर १० ते १५ मिनटे शवासन करावे.
उपयोग-
१. नियमित आसने केल्याने शरीर निरोगी राहते.
२. रक्ताभिसरण योग्य होते.
३. भूक चांगली लागते.
४. परसाकडे साफ होते.
५. शरीर हलके होते.
६. मनाची एकाग्रता वाढते.
७. अन्तःस्रावी ग्रंथीचे कार्य सुधारते.
८. मनाची चंचलता दूर होऊन मनःशांती प्राप्त होते.
९. बुद्दीची क्षमता वाढते.
१०. शरीराची सहनशक्ती वाढते.
आसनांबद्दल सामान्य माहीती जाणून घेतल्यानंतर यापुढे आता आपण क्रमाने वेगवेगळ्या आसनांचे शरीराला होणारे फायदे जाणून घेऊ.
आयुर्वेदोऽमृतानाम् ।
No comments:
Post a Comment